Arte galeriak
Espazio sortzaileak eta abangoardistak
Donostian arte galeria eta erakusketa ugari dituzu; eskaintza hori, gainera, hiriko txoko guztietara iristen da. Aukera bikaina artista emergenteak eta hiriko museo ospetsuenetatik kanpo dauden nazioko zein nazioarteko lanak ezagutzeko.
Arteko
1996az geroztik, Artekok publikoaren eskura jartzen du arte garaikidea, bai artista emergenteen lanak, bai ibilbide sendoa dutenenak. Etengabe aurkezten ditu erakusketak, diziplina artistiko guztiak biltzen dituzten estatuko zein nazioarteko proposamenekin.
Arteuparte Gallery
Arteuparte Gallery arte galeria eta obra grafikoko denda bat da. Elkarrizketan topatuko dituzu bertako artea eta nazioartekoa, baita ehungintzako txoko bat eta hedapen artistiko eta kulturalerako plataforma bat ere. Gros auzoaren bihotzean dago.
Ekain Arte Lanak
Ekain Arte Lanak galeria gune dinamiko bat da, euskal artegintzaren sorkuntza eta pentsamendu garaikidera bideratua. Parte Zaharraren bihotzean dago, eta hiru eremu ditu: erakusketa aretoa, galeria funtsa eta artista gonbidatuaren espazioa.
Iñigo Manterola Arte Galeria
Iñigo Manterolak Donostian duen galeria berriak artistaren bildumaren erakusketa txiki bat eskaintzen du. Espazio intimo horri esker, bisitariek bertatik bertara ezagutu ditzakete haren obren aniztasuna eta kalitatea.
La Central Art Gallery
La CENTRAL Art Gallery guneak ezabatu egin nahi ditu artearen inguruko sinesmen mugatzaileak (pintura, eskultura…), eta, horregatik, espazio ireki bat sortu du, artistak eta ikusleak oztoporik gabe elkartzeko.
Lance & Malone
Lance eta Malone Donostiako bi adiskide min dira, eta espazio original hau sortu dute. Han, beren sorkuntzak ez ezik, hiriko artista berezienetako batzuen lanak ere erakusten dituzte (Mikel Casal, Roskow eta Rosco, esate baterako).
Silvia & The Spyglass
Galeria horretan, Silvia Sánchez artistaren margolan eta eskulturez gainera, egilearen obra biziduna ere ikus daiteke, errealitate birtual eta areagotuan. Emakumea da bere lanaren figura nagusia, inperfekzioan eta asimetrian oinarritutako lengoaiarekin.
Aire zabaleko eskulturak
Artea espazio ireki eta irisgarrietan. Hirian barrena ibilalditxo bat eginda, artista handien lanak miretsi ahalko dituzu
Erakusketa zentroak
Tabakalera
Garai bateko tabako fabrika. Kultura zentro horretan, ekoizpena bera ez ezik, jardueren programazio publiko bat ere eskaintzen da.
Kutxa Kultur Artegunea
Argazkigintzari eskainia, Tabakaleraren barruan dago, bi solairutan banatuta.
Kubo Kutxa aretoa
Abangoardiako eta erreferentziazko artea Donostian. Espazio mardul bat, erakusketa handiak hartzeko aukera ematen duena.
Koldo Mitxelena zentroa
Hiriaren erdigunean, liburutegi bat eta kultura areto bat ditu. Arte erakusketak, kontzertuak, hitzaldiak eta konferentziak antolatzen ditu.
Okendo Kultur Etxea
Zurriola hondartzaren ondoan kokatua eta 2004an berritua, Okendo Kultur Etxeak aldi baterako erakusketa areto aktibo bat du.
Ingurugiro Baliabideen Zentroa
Cristina Enea parkean dago, eta erakusketak eta hitzaldiak eskaintzen ditu, batez ere hezitzaileak.