Hondartzak
Donostian daude hondartzarik onenak
Donostiako hondartzak dira erakargarritasun nagusietako bat uda partean, baina urte osoan izaten dituzte makina bat jarduera eta bizitza sozial handia. Bakoitzak bere nortasuna du, baina guztiek dituzte zerbitzu bikainak eta paisaia ikusgarriak hondar zuritik ikusteko.
Kontxa
Hondartzetan bikainena. Kilometro eta erdi baino gehiago da luzean, eta makina bat aintzatespen eskuratu ditu nazioartean, bere dotorezia eta inguruneagatik.
Ondarreta
Familia giroko hondartza. Badu haurrentzako parke bat ere hondarretan bertan. Era berean, kanoak alokatu ditzakezu, baita futbolean, paletan edo hondartza-boleian jokatu ere.
Zurriola
Surfa gustatzen bazaizu, horixe da zure hondartza. Profil gaztea eta dinamikoa duen inguru horretan, kirol jarduera ugari egiten dira, eta hantxe izaten dira Jazzaldiko kontzertu batzuk ere.
Uharteko hondartza
Uharte bat badia erdi-erdian eta hondartza bat uharte bete-betean. Donostia oso hiri berezia da, eta hondartza txiki hauxe da horren adibiderik onena.
Hondartzei buruz
Hiri ingurunean ondo integratuta egoteagatik nabarmentzen dira gure hondartzak. Erdigunetik oinez joan daiteke haietara, eta, horri esker, bateratu egin daitezke kalitate handiko kultur bisitak eta hondartza, garraiobiderik erabili beharrik gabe.