Plan aktiboak
Etengabe mugitzen ari den hiria
Donostia hiri bizia eta aktiboa da, eta bizimodu osasungarria sustatzen du. Makina bat aukera dituzu zure kirol gustukoenaz gozatzeko, bai itsasoan, bai lehorrean, eta edozein urte sasoitan, gainera. Aprobetxatu gure azken belaunaldiko azpiegiturak sasoian jartzeko!
Surfa eta uretako kirolak
Zurriola hondartza leku aproposa da Donostian surfean aritzeko. Aukeran dituzu, orobat, kayaka, ur motorrak edo paddle surfa ere.
Runninga
Ibilbide lau ugari daude hiria ezagutzeko, zure kirol gustukoenaz gozatzen eta sasoian jartzen zaren bitartean. Behobia-Donostia lasterketak milaka atleta profesional eta korrikalari biltzen ditu urtero.
Trekkinga eta abentura
Mendiz inguraturiko lurraldea da gurea, eta hamaikatxo pista topatuko dituzu, eremu bitxiak eta paisaia ederrak zeharkatzeko.
Gurpil gainean
Donostiak konpromiso irmoa du mugikortasun jasangarriarekin, eta, ondorioz, bizikletaz ibiltzea sustatzen da. Horrexegatik ditu hiriak 80 km bidegorri.
Kontsultatu agenda
Kirol jarduera bakoitzak urte garai jakin bat izan ohi du, batez ere aire zabalean egiten direnek. Kontsultatu gure ekitaldien agenda, eta, horren arabera, erabaki zein den unerik onena hiria bisitatzeko eta zure zaletasunez baldintza ezin hobeetan gozatzeko.