Euskaraz agurtuko dut: kaixo agur!!!

Saiatu “kaixo” eta “agur” esaten. Beste hitz erabilgarri eta erraz batzuk ere topatuko dituzu gure hiztegian.

Benetako hiria eta bertako jendea ezagutuko ditut

Donostian agente turistiko oso onak ditugu; hiriaren eta bertako jendearen sekretuak ezagutzen lagunduko dizute. Xarmadun leku eta ibilbideak, eremu turistikoenetatik eta bisitatuenetatik kanpo…

Ingurumenarekin arduratsua izango naiz

Keinu txiki eta sinpleek lagundu egiten digute inguruan daukagunari behar bezala eusten. Gogoratu txorrota ixteaz eta aire girotua edo berogailua itzaltzeaz. Etxeko iturriko ura (kalitate handikoa) kontsumitzera eta gure ostatu eta plan jasangarriez gozatzera gonbidatzen zaituztegu.

Garraio publikoan, oinez edo bizikletan mugituko naiz

Ahal duzun guztietan, erabili garraio publikoa. Horretarako, Txartel Turistikoa gomendatzen dizugu. Orain, bizikleta bat alokatu eta hiria bi gurpilen gainean bisita dezakezu.

Saltoki txiki edo tradizionaletan erosiko dut, bertakoek bezala

Barneratu hiriko kaleetan eta erosi saltoki tradizionaletan, beste donostiar bat bazina bezala.

Bizilagunen loa errespetatuko dut

Gauez tabernetan ibiltzeko asmoa baduzu, gogoan izan: zu dibertitzen ari zaren tokiarengainean lo dagoen jendea dago. Haien loa errespetatuz gero, eskertuko dizute.

Estereotipoak atzean utziko ditut

Donostiak besoak irekitzen dizkie hiria ezagutzea erabakitzen dutenei. Donostiara etortzen bazara, estereotipoak atzean utzi eta diskriminazio oro bazter ezazu.

Neure hondakinak birziklatuko ditut

Nola birziklatu kontatuko dizuegu. Hastea da kontua! Jasangarriak izateko eta ingurumena errespetatzeko, birziklatzea beharrezkoa da.