Sagardorik onenak aukeratzeko erosleen eta handizkarien arteko dastatze pribatu gisa hasi zen. Denboraren poderioz, oso ezagun egin da, eta Euskadiko gastronomia ekitaldi ospetsuenetako bat da gaur egun. Garai batean, zotza (txotxa) kenduta zabaltzen zen kupela, eta prozedura horretatik sortua da upelera hurbildu eta “txotx!” oihukatuz sagardoa dastatzeko ohitura.

Bisitatu sagastiak, dolare baserriak, elaborazio guneak, upategiak eta, batez ere, dastatu sagardo naturala, euskaldunok egiten dugun bezala: botilan zein txotx eginez. Zain gaituzu!