3 egun Donostian
1. eguna: Parte Zaharreko altxorrak
Goiz partean, Urgull mendira igoko gara, hiriaren bihotzera. Handik bakarrik ikus daitezke Donostiako hiru hondartzak batera. Baina ez hori bakarrik, hantxe ikusiko ditugu, orobat, hiriko harresiaren hondarrak eta kanoiak ere, hiriaren iragan militarraren lekuko.
Ibilbide historikoa amaitzeko, Motako gaztelua bisita daiteke, baita Historiaren Etxea edo Ingelesen Hilerria ere.
Eguerdi partean, kaira jaitsi, eta pintxotan ibiliko gara Parte Zaharreko kaleetan, miniaturazko sukaldaritzako plazerak dastatzen. Bertatik bertara dugu, era berean, Bretxako azoka ere.
Sartu Konstituzio plazan, Parte Zaharraren bihotzean, eta asmatu zergatik ote dituzten zenbakiak bertako balkoiek.
Bazkalordua!
Donostia eskaintza gastronomiko zabal eta askotarikoagatik nabarmentzen da. Hautatu zure gustu eta interesetara ondoen egokitzen den aukera, bisitan zatozen urtaroaren arabera.
Bazkalondoan, kafetxo eder bat har daiteke Zuloaga plazako terrazetan. Hantxe dago San Telmo museoa, euskal kulturaren sekretuak bikain gordetzen dituen lekua.
Arratsaldean, gune erromantikoan barrena ibiliko gara tipi-tapa; Kontxako hondartza iritsitakoan, arrimatu hango baranda ikonikora, eta gozatu ilunabar ahaztezin batez.
Amaitu eguna Museo del Whisky pubean. Piano taberna horretan, munduko whisky bilduma handienetako bat topatuko duzu: 3.400 botila baino gehiago.
Afaltzeko…
Eta, eguna amaitzeko, zer hoberik bertako produkturik onenak probatzea baino, gure terraza ikusgarrietako batean Kantauri itsasora begira!
Bisita gidatuak
Donostia begiratu hutsez ikus dezakezuna baino askoz gehiago da. Ezagutu hiriko eta inguruko txokorik ezkutuenak, gure ibilaldi pertsonalizatuei esker.