Eremu urdina da Donostian aparkatzeko beste aukeretako bat. Antigua, Amara, Loiola eta Gros auzoetan badira TAO eremuak, autoa aparkatzeko. Eremu urdinak ordainpekoak eta denbora mugatukoak izaten dira: ordu eta erdikoak, 3 ordukoak, 5 ordukoak eta 9 ordura artekoak daude. Aparkatu ahal izateko, txartela erosi behar da makinetan, eta ezarritako denbora amaitzean, autoa mugitu eta beste txartel bat erosi behar da. Eremu bakoitzean gehieneko aparkaldia zein den kontsulta daiteke plano honetan.

Autoa aparkatzeko tarifak eremuaren araberakoak dira; erdigunetik zenbat eta gertuago egon, orduan eta garestiagoak dira (90 minutu: 2,87 €), eta kontuan izan behar da denbora hori dela gehienezko egonaldi-denbora.

– El Parking app -aren bidez (Apple / Android), kosturik gabekoa
– Zordunketa/kreditu txartela
– Eskudirua: 5 zentimoko txanponetatik 2 eurorainokoak
– Hurbiltasun txartelak: DonostiaKirola eta/edo Unibertsitate Txartela (UPV/EHU)