Parques y jardines
Hiri berdea eta jasangarria
Donostiak hiri berde ugariz betetako sare handi bat dauka, erraz irisgarriak eta edertasun handikoak. Gure parke eta lorategiak hiriaren birika berdeak dira eta gure iraunkortasunarekiko apustu sendoaren erakusgarri nagusia. Guztira, 20 parke ikusgarri banatzen dira hirian zehar.
Cristina Enea
Hiriaren parke handiena eta basotsuena. 2007an berritu zen eta barruan Mandasko Dukearen jauregi zaharra gordetzen du.
Miramar lorategiak
Miramar jauregiaren aurrean lorategi ikusgarriak zabaltzen dira, lore multzoekin eta zuhaitz txikiekin apainduak, eta atzean Kontxako badiaren irudia.
Aieteko parkea
Parke honetako eremu ezagunena jauregiaren ingurukoa da, baina merezi du bere txoko guztiak zeharkatzea eta bere fauna eta flora askatasunez gozatzea.
Miramongo parkea
Hiriaren parke zabaletako bat da, Arbide dorreen oinetan kokatua. Pasabide altxatu bat du, bere eremu guztiak arakatzeko aukera ematen duena.
Ametzagaina parkea
Lau sarbide ditu eta bidegorri zabal bat, gurpilen gainean ibiltzea ahalbidetzen duena. Atsedenlekuak eta haurrentzako jolasguneak ere baditu.
Alderdi Eder
Hemendik hiriaren argazki tipikoenetako bat atera dezakezu, udaletxearen fatxada eta Kontxako badia atzean dituela.
Gipuzkoa plaza
Plaza honetako erdialdean dauden lorategiak eta bideak donostiar askoren topagune eta atsedenleku dira.
Oroimenaren lorategia
Ekialdeko lorategi tradizionaletan inspiratuta, espazio hau bizikidetzaren, errespetuaren eta bakeraren benetako ikur bilakatu da.
Puioko parkea
Hiriaren eta itsasoaren ikuspegi zoragarriez gozatzeko ez ezik, parke honek haurrentzako jolastoki bat ere badu.
Artikutza
Nafarroako lurretan kokatutako baso magiko hau Donostiari dagokio. Ezagutu bere historia interesgarria eta gozatu naturaz berezko egoeran.
Bisita itzazu gure gune naturalak
Ezagutu hiriaren eremu berdeak eta gure parke eta lorategietan eskuragarri dituzun zerbitzu guztiak. Biztanleko 21 metro karratu berde baino gehiago, aire libreko museo bihurtuta.